Արտադրանքը

Ընկերության արտադրական հզորությունները թույլ են տալիս արտադրել երկու տեսակի անզուտ պղինձ` Ա դասի պղինձ` ոսկու և արծաթի համեմատաբար բարձր պարունակությամբ, և Բ դասի` ոսկու և արծաթի ավելի քիչ պարունակությամբ: Ա դասի անզուտ պղնձի արտադրության հիմնական հումքը պղնձի խտանյութն է, որի մատակարարման ծավալները 2011 հունվար-սեպտեմբեր ամիսներին ունեցել են հետևյալ կառուցվածքը.

• «Բեյզ Մեթըլս» ՓԲԸ – 55%
• «Զանգեզուրի պղնձամոլիբդենային կոմբինատ ՓԲԸ – 45%


Ա դասի անզուտ պղինձն ունի հետևյալ բնութագիրը`

Cu	min. 98.5%
Ag	up to 300 gr/t
Au	up to 150 gr/t
As	max. 0.020%
Bi	max. 0.010%
Pb	max. 0.050%
Ni	max. 0.025%
Sb	max. 0.010%
Te	max. 0.010%
Se	max. 0.050%
S	max. 0.050%

Բ դասի անզուտ պղինձը ստացվում է պղնձի ջարդոնի ձուլումից, որը ձեռք է բերվում երկրի ներսում: Պղնձի պարունակությունը Բ դասի պղնձի մեջ կազմում է նվազագույնը 98.5%, մինչդեռ արծաթի և ոսկու պարունակությունը կարող էր լինել մինչև 140գ/տ և 4գ/տ համապատասխանաբար: Ընկերության արտադրական հզորությունները հնարավորություն են տալիս ձուլել ավելի մեծ քանակությամբ պղնձի ջարդոն, քան հնարավոր է ձեռք բերել Հայաստանի ներսում, իսկ հարևան երկրներում առկա վարչական խոչընդոտները դժվարացնում են այդ երկրներից պղնձի ջարդոն գնելը և ներկրելը: Այդ հանգամանքներով պայմանավորված` ընկերությունը ստիպված է եղել 2003 թ. դադարեցնել ջարդոնի ձուլման համար նախատեսված վառարանի աշխատանքը, իսկ ձեռք բերվող փոքր քանակությամբ ջարդոնը ձուլել կոնվերտերում: