Պատմական ակնարկ

Ընկերությունը գրանցված է Հայաստանի Հանրապետությունում և գործում է 1997 թվականից: Ներկայիս անվանումը` «Արմենիան Քափըր Փրոգրամ», ընկերությունը ստացել է 2002թ. հունվարի 1-ին: Մինչ այդ ընկերությունը հայտնի էր որպես «Մանես և Վալլեքս» ՓԲԸ: Ընկերության` Լոռու մարզի Ալավերդի քաղաքում տեղակայված պղնձաձուլական գործարանն ու պղնձի հանքն ունեն շուրջ 240 տարվա պատմություն: 18-19-րդ դդ. Ալավերդու պղնձաձուլարանում արտադրվել է տարեկան 60-200 տոննա պղինձ: 20-րդ դարի սկզբին պղնձի արտադրության ծավալը եղել է տարեկան շուրջ 2,000 տոննա: Արտադրության ծավալներն իրենց գագաթնակետին են հասել 1980-90-ականներին, երբ տարեկան արտադրվել է մինչև 55,000 տոննա մաքուր պղինձ: